Anis Mehmeti u transferua me bujë në janar nga Uaikombe, ku po shkëlqente, te Bristol City në Kategorinë e Dytë angleze. Teksa pritej që mesfushori të zinte një vend titullari tek ekipi i ri, nisja e këtij sezoni nuk ka folur për të.
Në tetë ndeshjet e zhvilluara deri tani, tri prej tyre ka qëndruar në stol, ndërkohë në pesë të tjerat, Mehmeti është aktivizuar vetëm 92 minuta.
Një minutazh tepër i reduktuar për mesfushorin anësor, teksa dje shqiptari zbriti në fushë për ekipin U-21 të Bristol Sitit, në fitoren 2-0 ndaj Ipsuiçit, për të marrë edhe ngarkesën e duhur.
Kujtojmë që në muajin shtator Mehmeti u la jashtë nga Silvinjo dhe në vendin e tij u thirr Arbnor Muja.
