Një zjarr ka rënë gjatë mesnatës në parkingun e një pallati 9 katësh në lagjen ‘Punëtori’ në Fushë-Krujë. Dyshohet se shkak ka qenë një shkëndijë elektrike ndërsa janë djegur dy automjete.
Zjarri është pikasur nga një banor, i cili ka lajmëruar familjet që të dalin nga pallati si dhe është njoftuar menjëherë policia dhe zjarrfikëset, të cilët kanë mbërritur menjëherë në vendngjarje.
Nga mungesa e energjisë, dera kryesore nuk hapej. Zjarrfikësit kanë shkatërruar derën dhe më pas kanë ndërhyrë në shuarjen e flakëve. Po punohet për zbardhjen e plotë të shkaqeve të zjarrit.
“Ndjeva tymin. Jemi në katin e dytë të banimit. Ishte një komshi, që filloi të bërtiste se ka marrë zjarr pallati. U munduam të hapim portën, nuk mundëm dhe më pas erdhën zjarrfikësit. Nuk e di se sa makina ka pasur. Dëme nuk ka në asnjë hyrje. Thjesht banorët kanë dalë nga pallati nga tymi“, tha një banor.
