Ardian Ismajli ishte një nga lojtarët më të mirë të Empolit përballë Interit në kampionat, me mbrojtësin shqiptar që i mohoi disa herë golin zikaltërve.
Gjithsesi ai u zëvendësua në minutën e 51’ për shkak të një dëmtimi dhe pikërisht pak sekonda pas daljes së tij nga fusha erdhi dhe goli i avantazhit të Dimarkos.
Ky është një lajm i keq dhe për Kombëtaren kuqezi, që tashmë pret ekzaminimet e mëtejshme për të parë nëse dëmtimi i qendërmbrojtësit është i rëndë dhe nëse do të ndikojë te pjesëmarrja e tij kundër Republikës Çeke.
