Ky vit i ri akademik, që pritet të fillojë më 2 tetor, i gjeti universitetet në Shqipëri përballë një tkurrjeje të regjistrimit të studentëve në degët e shkencave ekzakte.
Shifrat e deri më tanishme tregojnë se këtë vit vetëm 27 studentë kanë zgjedhur që të studiojnë në degët matematikë, fizikë dhe kimi, në Fakultetin e Shkencave të Natyrës, shifër kjo alarmante pasi më herët kemi patur një dyndje të studentëve në këto degë.
Mësohet se në Matematikë deri më tani janë regjistruar vetëm 14 studentë, në Fizikë 7 studentë, ndërsa në Kimi vetëm 6 të rinj, ndërkohë vlen për tu theksuar se vitin e kaluar në degën e Kimisë ka patur 100 kuota.
Ndërkohë nga raportet e publikuara në media më herë, bëhej me dije se nga rreth 30 mijë maturantë, 1/3 e tyre kanë aplikuar për studimet e larta jashtë vendit, ose kanë zgjedhur që të mos vazhdojnë Universitetin.
