-Komisioneri Shtetëror i Zgjedhjeve Ilirjan Celibashi ka folur këtë të premte në lidhje me çështjen “Beleri”, duke thënë se “KQZ ka përfunduar punë me Himarrën, Beleri është i zgjedhur”.
I ftuar në emisionin “Intervistë” në A2C Celibashi u shpreh se çdo çështje përtej nuk i përket KQZ, duke vijuar se zgjedhjet në Himarrë e prodhuar rezultatin.
“Nuk kam asnjë gjë për të thënë. Me këtë çështje KQZ ka mbaruar punë me Himarë. Aty ka një kryebashkiak të zgjedhur dhe për ne kjo është një çështje e mbyllur. Zgjedhjet në Himarë kanë riprodhuar rezultatin. Çdo gjë tjetër pas këtij vendimi të KQZ nuk i përket KQZ dhe nuk kam se çfarë të them.”.- ka thënë Celibashi.
