Dinamo ka menduar të përforcojë edhe mbrojtjen, duke firmosur me 25-vjeçarin nga Kolumbia, Huan Kamilo Mesa.
Drejtori sportiv, Hariss Fakiç ka prezantuar mbrojtësin e ri i cili menjëherë vihet nën urdhrat e trajnerit Luixhi Di Biaxho. Dinamo luan këtë javë ndaj Partizanit, teksa në javën e fundit ka munguar mbrojtësi Rustem Hoxha.
“Huan Kamilo Mesa është zyrtarisht lojtari i ri i FC Dinamo City.
25-vjeçari kolumbian që luan në pozicionin e mbrojtësit e ka nisur karrierën në vendlindje, ndërsa në vitin 2020 iu bashkua skuadrës së Sibenik në Kroaci.
Mesa vjen në klubin tonë pas një eksperience me skuadrën e Tuzla City të Bosnjes dhe do jetë një siguri e shtuar në prapavijën e 18 herë kampionëve të vendit”, shkruan klubi.
