Gazetari Eraldo Harlicaj tregoi se dikur udhëtimi me gomone drejt Anglisë ka kushtuar deri në 5000 paund, ndërsa sot çmimi shkon deri në 2500 paund.
Sipas tij çmimi është ulur sepse në gomone futen më shumë njerëz.
“Unë kam pasur kontakt me një djalë, sepse shumë shqiptarë kanë ikur këtë verë, kanë zgjedhur gomonet. Ai para 3 apo 4 ditësh ka arritur të shkojë në Angli. Kishte paguar 2500 paund, por më deklaroi se në gomone kanë qenë 67 persona. Ne kemi qenë 57, këtë vit 10 më shumë. Absolutisht jashtë limitit të gomones sepse gomonet mbajnë 15-17 persona. Njerëzit nuk kanë hapësirë për të qëndruar brenda gomones, por qëndrojnë anash saj,” – u shpreh Harlicaj në Euronews Albania.
