U luajtën mbrëmjen e sotme 8 sfidat e vlefshme për grupet e Europa League ku u prodhuan në total plot 31 gola.
Në fushën e lojës ishin edhe 2 futbollistët e Kombëtares, Berat Gjimshiti dhe Qazim Laçi, të cilët u aktivizuan titullarë, ndërkohë që skuadrat e tyre arritën të triumfonin.
Atalanta mposhti Rakovin me rezultatin 2-0, ndërkohë që Sparta e Pragës, ku aktivizohet Laçi, mposhti Arisin e Limasolit me rezultatin 3-2.
Në duelet e tjera, surprizë padyshim mund të konsiderohet humbja 2-3 e Brajtonit në shtëpi ndaj AEK-ut të Athinës, ndërkohë që Uest Hem-i mposhti me rezultatin 3-1 serbët e TSC.
Fitore të rëndësishme edhe për Frajburg dhe Betis, teksa dueli i vetëm i mbyllur në barazim ishte ai mes Ajaksit dhe Marsejës.
