Plagosja e ndodhur në Sarandë më herët gjatë ditës dyshohet të mos jetë aksidentale.
I lënduar përfundoi 33-vjeçari Hekuran Murtaj, me banim në fshatin Stjar të Delvinës. Në një njoftim paraprak të ngjarjes, blutë e Sarandës bënë me dije se rreth orës 14:15, i riu është paraqitur për mjekin në spitalin e qytetit. Referuar të njëjtit njoftim, i plagosuri “dyshohet se është dëmtuar në pjesën e krahut, si pasojë e plasjes së një fisheku, gjatë kohës që ky shtetas ka qenë duke punuar tokën e tij”.
Bluzat e bardha në Sarandë kanë vlerësuar se Hekuran Murtaj ka nevojë për mjekim të specializuar për shkak të dëmtimeve të rënda që ka pësuar dhe është bërë transportimi i tij drejt spitalit të Traumës në kryeqytetet. Burime pranë grupit hetimor thanë se ai ka dëmtime në kocka.
Nisur nga këto vlerësime të mjekëve, grupi hetimor ka dyshime nëse ngjarja ka qenë aksidentale siç ka deklaruar 33-vjeçari fillimisht, apo kemi të bëjmë me një tjetër version.
Po ashtu, brumime pranë grupit hetimor thanë se i riu ka deklaruar te uniformat e bardha se është banues në Tiranë dhe jo në Delvinë.
Ndërkohë, policia dyshon se Murtaj mund të jetë plagosur për shkak të një konflikti mes persona të tjerë apo mes grupeve të ndodhur në një fshat të Sarandës.
Hetimet e mëtejshme pritet të hedhin dritë mbi dinamikën e ngjarjes.
