Në vazhdën e fushatës elektorale që po zhvillohet për të zgjedhur kryetarin e ri të bashkisë së Kukësit më 24 shtator, Partia Demokratike ka intensifikuar veprimtarinë e saj në mbështetje të kandidatit demokrat Emri Vata.
Kryetari i PD-së, Sali Berisha, do të shkojë vetë sot në Kukës për të zhvilluar një takim sot me bizneset e atjeshme. Berisha njoftoi në facebook: “Të dashur miq, sot në ora 11:00 ju ftoj të ndiqni takimin që do të zhvillojmë me bizneset në Kukës”
Deputetët demokratë në mbështetje të ish-kryeministrit Sali Berisha dhe Gazment Bardhit do të mbajnë takimin e radhës mes tyre ditën e martë. Takimi do të mbahet në qytetin e Kukësit, në kuadër të fushatës zgjedhore për zgjedhjet që do të përsëriten në këtë bashki.
Më 24 shtator në Kukës do të zhvillohen zgjedhjet e pjesshme vendore për kreun e bashkisë midis kandidatit Albert Halilaj të PS-së dhe kandidatit Emri Vata të koalicionit opozitar “Bashkë fitojmë”.
