Një ngjarje e rëndë ka ndodhur në Itali ku dy shtetas shqiptarë (babë e bir), kanë tentuar të djegin me benzinë një të moshuar.
Mediat e huaja shkruajnë se shqiptarët, përkatësisht 64 dhe 37 vjeç tentuan që t’i vinin flakën të afërmes së tyre që jetonin në një shtëpi. E moshuara ka bërë denoncimin në polici, duke theksuar se kishte arritur që t’i shpëtonte një sulmi hakmarrës nga babë e bir. Ata jetonin në shtëpinë e të moshuarës prej disa vitesh dhe kanë debatuar me të.
Kur të gjithë të afërmit e tjerë në shtëpi kishin fjetur, babë e bir, kanë hyrë në dhomën e gjumit të gruas me një bidon me benzinë, duke synuar t’i vinin flakën. Sapo ndjeu aromën e benzinës, gruaja ka bërtitur dhe ka dalë jashtë, duke i shpëtuar kështu sulmit.
