Në orët e fundit të afatit kalimtar të verës, kalimi i Palhinhas te Bayern Munich dështoi. Bavarezët mund të bëjnë një përpjekje të re në janar, pavarësisht se mesfushori portugez ka rinovuar me Fulham deri në vitin 2028. Një marrëveshje gjithnjë e më e vështirë për t’u realizuar, duke patur parasysh kushtet që duket se nuk po krijiohen asnjëherë.
Skuadra gjermane po mendon një emër tjetër, për të cilin mund të bëjë një sforco. Sipas raportimeve të As, bëhet fjalë për Scott McTominay i Manchester United. Mesfushori skocez është pjesë e listës së dëshirave të Tuchel dhe sigurisht nuk është zgjedhja e parë për Ten Hag.
Që nga fillimi i sezonit ai ka luajtur vetëm një ndeshje si titullar dhe, duke marrë parasysh ardhjen e Amrabat nga Fiorentina, hapësira e tij në mesfushën e “Djajve të Kuq” mund të reduktohet më tej në javët në vijim.
