Një shtetas shqiptar, ka rënë në prangat e policisë spanjolle, pasi akuzohet për trafikim të lëndëve narkotike.
Shqiptari, cilësohet si ‘bosi i drogës’ pasi është një nga drejtuesit e celulës së ‘Kartelit Ballkanik’, -shkruajnë mediat e huaja.
Referuar hetimeve për rastin, ai dyshohet se është përgjegjës për 2.3 tonë kokainë të kapur disa ditë më parë në anijen e peshkimit “Bestarruza” ku u arrestuan 4 anëtarë të ekuipazhit, mes të cilëve 2 shqiptarë. Dy të tjerët janë një argjentinas dhe një afrikan nga Cabo Verde.
Ende nuk është bërë publik emri i shqiptarit, ndërsa priten zhvillime të mëtejshme lidhur me rastin.
Burimi: Atlantico.net
