11 oficerë në Meksikë u shpallën fajtorë për vrasjen e 17 emigrantëve në vitin 2021, të cilët u qëlluan para se të digjeshin trupat e tyre në kufirin me SHBA-në. Oficerët u dënuan për vrasje nga pakujdesia dhe shpërdorim detyre, thuhet në një deklaratë për shtyp të prokurorisë.
Pas disa seancash gjyqësore që zgjatën më shumë se tre muaj, gjyqtari Patricio Lugo Haramigio vendosi se kishte prova të mjaftueshme për të dënuar ish-oficerët e policisë, dënimet e të cilëve, që do të shpallen në ditët në vijim, mund të arrijnë deri në 50 vjet burg.
Më 23 janar 2021, zyra e prokurorit të Tamaulipas njoftoi se trupat e djegur të personave, shumica prej tyre emigrantë nga Guatemala, të cilët po përpiqeshin të kalonin ilegalisht në territorin amerikan përmes Meksikës, u gjetën në një makinë të djegur.
