Kolegji Zgjedhor ka rrëzuar vendimin e Komisionit të Ankesave dhe Sanksioneve si dhe të kryekomisionerit Celibashi të cilët njohën Partinë e Lirisë si forcën e parë të opozitës, duke i dhënë 2 komisionerë të KZAZ-ve për zgjedhjet në Kukës.
Kolegji Zgjedhor, me vendimin e sotëm njeh Partinë Demokratike të vulës si partinë më të madhe të opozitës duke i dhënë të drejtën për të propozuar 2 anëtarë në KZAZ.
Ndërsa Partisë së Lirisë, që përfaqëson koalicioni opozitar “Bashkë Fitojmë” iu dha e drejta për vetëm 1 anëtar në KZAZ.
Kujtojmë se në zgjedhjet lokale në Kukës do të marrin pjesë partia Socialiste dhe koalicioni Bashkë Fitojmë, ndërkohë që PD e vulës nuk vendosi kandidat për të garuar.
Megjithatë edhe pse pa kandidat, sipas vendimit të kolegjit merr të drejtën për të pasur 2 komisionerë.
