Avokati dhe njëkohësisht aktivisti i shoqërisë civile, Adriatik Lapaj ka njoftuar se do të prezantojë partinë më të re politike në 18 shtator.
Emri i partisë është “Shqipëria Bëhet”, teksa prezantimi fillimisht më 18 shtator do të bëhet te zyrat e reja, të cilat janë me vendndodhje te rruga “Jeronim De Rada” në Tiranë.
Rrugëtimin e tij si parti politike, Lapaj do ta nisë nga Rrësheni i Mirditës, ku do të mbajë takimin e parë të partisë së tij më 23 shtator.
Disa nga anëtarët e kësaj partie, të prezantuar përmes video-mesazheve të publikuara në rrjetet sociale nga vetë Lapaj janë aktori i humorit Florjan Binaj, mjeku Tritan Kalo, profesor Dritan Hoti, gazetarja Edona Haklaj, e të tjerë.
Disa nga pikat e kësaj partie, siç u prezantuan edhe nga Binaj, janë ndryshimi i kodit zgjedhor për listat e hapura, vota e emigrantëve, ligji për referendumet.
