Policia ka shoqëruar në komisariat administratorin e pallatit 10 katësh, i cili u përfshi nga flakët pasditen e kësaj të enjteje në Tiranë.
Mësohet se ai do të merret në pyetje nga policia, teksa bashkë me të është shoqëruar edhe pronari i një apartamenti që u dogj, si dhe disa banorë të tjerë
Nga ekspertiza paraprake e bërë në pallatin ku ra zjarri, dyshohet se shkak është bërë ndonjë pajisje elektrike. Por nesër në mëngjes do ketë ekspertizë më të detajuar. Fillimisht zjarri ka nisur në katin e fundit të pallatit, apartament në pronësi të një mjeku dhe më pas kanë marrë katet e tjera. Në polici për t’u pyetur është shoqëruar edhe mjeku
Si pasojë e flakëve tre banesa u shkrumbuan plotësisht dhe një tjetër në masë 30%, ndërsa kryebashkiaku Veliaj u shpreh se familjet e dëmtuara do të ndihmohen nga bashkia.
