Kampi i muxhahedinëve “MEK” në Manzë të Durrësit është përfshirë nga një tjetër skandal.
Burime për News24 bëjnë me dije se një banor i kampit ka shprehur revoltën dhe është arratisur, duke ardhur në Tiranë. Burime konfidenciale bëjnë me dije se ka patur një tentativë të marrjes dhe rikthimit me dhunë të këtij fundit në kamp nga ana e drejtuesve të kampit.
Iraniani është marrë nga komisariati nr.4 në kryeqytet dhe po punohet për zbardhjen e rrethanave dhe arsyeve që e kanë shtyrë të ndërmarrë një veprim të tillë.
