Komandanti i Forcave Ajrore të Shqipërisë, Gjeneral Brigade, Ylli Pulaj është shkarkuar nga detyra.
Mësohet se shkarkimi i Pulajt është bërë me propozim të ministrit të Mbrojtjes Niko Peleshi, ndërsa një ditë më parë Begaj ka nënshkruar dekretin. Ndërkohë që në vend të Pulajt është vendosur Ferdinant Vasil Dimo.
Shkarkimin i Pulajt ka ardhur pas një raportimi në media se Byroja Kombëtare e Hetimit i sekuestroi celularin në kuadër të hetimit për dhënien e pronave të ushtrisë për oligarkët. Aludimet janë se SPAK po kryen hetime lidhur me tjetërsimin e pronave të Ushtrisë Shqiptare, që në disa raste i janë dhënë biznesmenëve të fuqishëm në vend për t’i kthyer në resorte dhe fshatra turistikë.
Një akuzë politike e tillë ka rënduar edhe mbi ish-ministren e Jashtme Olta Xhaçka, e cila më herët kishte mbajtur edhe postin e Ministres së Mbrojtjes, e shkarkuar tashmë nga kryeministri Edi Rama.
