Një gol i shënuar në minutën e 101-të nga kapiteni i Dinamos, Prodani, krijoi polemika në fundin e ndeshjes së zhvilluar në “Elbasan Arena” mes kryeqytetasve të Di Biaxhos dhe Kukësit.
Verilindorët e kanë kontestuar ashpër vendimin e gjyqtarit Dyrmishi, i cili fillimisht akordoi një goditje nga këndi, që sipas kuksianëve ishte i shpikur, ndërkohë që ka pretendime edhe në momentin e realizimit të golit, ku pretendohet që Prodani ka shkaktuar faull. Klubi verilindor ka dalë edhe më një reagim zyrtar, ku ka publikuar një video me pamje më të qarta të golit që krijoi polemika.
REAGIMI I PLOTË I KUKËSIT:
Kukësi kërkon drejtësi!
Duke marrë shkas nga ngjaret e ndeshjes Fc Dinamo City 2-1 FK Kukësi e shohim të nevojshme të reagojmë mbi gjykimin e ndeshjes!
Sic shihet qartë në videon më siper në pamjen e pare shohim largimin e topin nga lojtari i dinamos drejt vijës fundore, ku topi i takonte ekipin tonë por arbitri e akordon në favor të Dinamos!
Ne pamjen e dytë shohim qartë vënien e duarve në shpinën e mbrojtësit tonë Lamçe, ku përveç pozicionit të qëndermbrojtësit, duhet të bëj edhe rolin e peshëngritësit duke mbajtur dy lojtar te Dinamos në shpinë!
Kjo gje ben që topi të përfundoj në rrjet nga një korne e paqënë!
“Gabim” i arbitrave apo “paaftësi” e tyre?
Kukësi do marrë masat mbi gjykimin e ndeshjes deri në instancat më të larta, duke filluar nga FSHF!
Kukesi do rikthehet akoma edhe më i fortë!
View this post on Instagram
