Një nga negociatat e merkatos që vazhdon prej një kohe të gjatë është ajo që Real Madrid po mundohet ta mbyllë për të marrë Kylian Mbappe në kryeqytetin spanjoll.
Megjithatë, kundërshtimet e vazhdueshme të PSG-së e ka bërë gjithmonë të vështirë realizimin e operacionit dhe pikërisht për këtë, Los Blancos duket se kanë filluar të kërkojnë alternativa prej disa kohësh.
Emrat e monitoruar nga madrilenët kanë qenë të shumtë, nga Harry Kane te Dusan Vlahovic, por pa u hedhur në sulm për asnjërën nga këto alternativa.
Megjithatë, në orët e fundit ka filluar të flitet për një emër tjetër. Sipas Tuttomercatoweb, klubi spanjoll duket se ka kthyer sytë nga Julian Alvarez, i cili do të bëhej alternativa e parë nëse nuk do të arrihet të merret Mbappe.
