Pasditen e sotme mediat qeveritare kane mbushur faqet e tyre me lajmin se Lulzim Basha ishte emëruar nga Komiteti për Çështje Politike dhe Demokracinë në Asamblenë Parlamentare të Këshillit të Europës si “raportues për konfiskimin e aseteve ruse dhe përdorimin e tyre për riparimin e dëmeve të shkaktuara nga agresioni i Rusisë kundër Ukrainës”.
Mirëpo Lulzim Basha ka dërguar një dokument falso pranë KE në 7 shkurt të vitit 2023 dhe e paraqet veten si kryetar i PD, ndërkohë që ka pas dhënë dorëheqjen nga Partia Demokratike..
Në pikën 2 të dokumentit, pretendon që është kryetar i PD, madje tregon edhe rrogën, ku shkruan se paguhet 12 mijë euro në vit. Të gjithë shqiptarët e kanë parë se në atë kohë Enkelejd Alibeaj deklaronte kudo se “Basha kishte dhënë dorëheqjen nga drejtimi i partisë dhe se ishte ai që kryetari i komanduar”.
Zyrtarisht Basha u kthye për një mandat të katërt, këtë herë si kryetar i “PD-së së vulës” vetëm në 29 korrik nëpërmjet një procesi të ashtuquajtur “një anëtar, një votë”. Në anën tjetër ai asnjëherë nuk e zyrtarizoi në gjykatë dorëheqjen duke mbajtur “me dhëmbë” vulën dhe logon në zgjedhjet lokale të 14 majit ku PD zyrtare u rendit forcë e katërt.
