Ka nisur mëngjesin e kësaj të hëne, viti i ri shkollor 2023-2024 për arsimin parauniversitar.
Shumë nxënës janë ulur për herë të parë në bankat shkollore dhe shumë të tjerë janë rikthyer në vitin tjetër të studimit.
Një urim për nxënësit ka bërë edhe kryebashkiaku i Kavajës, Fisnik Qosja.
Përmes një postimi në rrjete sociale, duke ndarë foto me fëmijët Qosja uron për nxënësit një rrugëtim të mbarë në udhën e dijes, veçanërisht të vegjlit që ulen sot për herë të parë në bankat e shkollës.
Reagimi:
Suksese dhe gëzuar këtë fillim të ri!
Një urim të përzemërt për fëmijët, nxënësit, mësuesit e prindërit !
Rrugëtim të mbarë në udhën e gjatë të dijes për të vegjlit që sot ulen për herë të parë në bankat e shkollës!
Ju jeni të mrekullueshëm, dhe ne jemi të sigurt se do të arrini shumë gjëra të mëdha! Ne jemi krenar për ju!Ruajini bukurinë dhe emocionet e kësaj dite përjetë!
Suksese minimaturantëve dhe maturantëve në këtë takim të fundit vjetor me shoqet, shokët e mësuesit! Një vit të mbushur me kënaqësi, mësim dhe sukses. Shijojeni pafund !
Suksese mësuesve, nëpunësve në sektorin arsimor dhe patjetër komutitetit të prindërve!
Shkolla, arsimi është një hap drejt një të ardhme të ndritur ndaj në kushtet e largimit nga vendi të shumë familjeve, përgjegjësia është gjithmonë e më e madhe dhe e përbashkët! Ëndrra dhe dëshira për një Shqipëri më të mirë, më të qetë e më të begatë nis pikërisht nga këtu! Bashkia Kavajë do të garantojë një standard të lart përkujdesjeje ndaj punëve publike dhe shërbimeve! Një krah dhe një mbështetje e forte për mësuesit dhe të gjithë komunitetin e prindërve gjithashtu!
Ky është një premtim!
Le të kemi vullnetin për ta ushtruar këtë përgjegjësi të lart bashkarisht!
Na pritë e mbara të gjithëve!
