Kuvendi miratoi në seancë plenare të kësaj të hëne ndryshimet në qeveri, të dekretuara dy ditë më parë nga Presidenti i Republikës, Bajram Begaj.
Gjatë votimit të dekreteve, deputeti socialist, Erion Braçe, ka votuar kundër shkarkimit të ministres për Evropën dhe Punët e Jashtme, Olta Xhaçka. Votimi për shkarkimin e Olta Xhaçkës si ministre e Jashtme mori 95 vota pro shkarkimit, 1 kundër dhe asnjë abstenim.
Pas miratimit në Kuvend, ministrat e rinj do të betohen nesër te Presidenti i Republikës. Kryeparlamentarja Lindita Nikolla nuk pranoi kërkesën e Gazment Bardhit për debat mbi ndryshimin e ministrave.
Votimet e dekreteve të Presidentit:
Shkarkimi i Olta Xhaçkës si ministre e Jashtme: 95 pro, 1 kundër, asnjë abstenim.
Shkarkimi i Ogerta Manastirliut si ministre e Shëndetësisë: 110 pro, asnjë kundër, asnjë abstenim.
Shkarkimi i Evis Kushit si ministre e Arsimit: 99 pro, 3 kundër, 1 abstenim.
Shkarkimi i Frida Krifcës si ministre e Bujqësisë: 107 vota pro, asnjë kundër, asnjë abstenim.
Shkarkimi i Edona Bilalit si ministre e Sipërmarrjes: 102 vota pro, 4 kundër, asnjë abstenim.
Shkarkimi i Milva Ikonomit si ministre Shteti: 98 pro, 2 kundër, 2 abstenim.
Shkarkimi i Ervin Metes si drejtor i AMF-sw: 95 vota pro, 5 kundwr, 1 abstenim.
Emërimi i Arbjan Maznikut si ministër Shteti për Pushtetin Vendor: 73 vota pro, 35 kundër, asnjë abstenim.
Emërimi i Albana Koçiut si ministre Shëndetësie: 73 vota pro, 32 kundër, 1 abstenim.
Emërimi i Igli Hasanit si ministër për Europën dhe Punët e Jashtme: 74 vota pro, 33 kundër, asnjë abstenim.
Emërimi i Ogerta Manastirliut si ministre e Arsimit: 73 pro, 33 kundër, asnjë abstenim.
Emërimi i Anila Denajt si ministre e Bujqësisë: 73 vota pro, 27 kundër, asnjë abstenim.
