Gëzim Krasniqi nuk është më një lojtar i Erzenit. Lajmin e bën të ditur vetë mbrojtësi me një postim në llogarinë e tij në Instagram ku njofton largimin nga shijakasit.
“Nder dhe kënaqësi që i shërbeva KF Erzenit. Respekt dhe mirënjohje tifozëve dhe qytetarëve të Shijakut. Faleminderit Durim Keçit për mbështetjen dhe kontributin e dhënë për të lartësuar futbollin e qytetit të Shijakut. Mirupafshim Erzeni, shumë fat dhe sukses këtë sezon nga kapiteni”, shkruan Krasniqi.
Krasniqi udhëhoqi Erzenin si kapiten në sezonin e shkuar duke siguruar mbijetesën në Superiore. Kavajasi me eksperiencë të madhe në futbollin shqiptar pritet të nënshkruajë me Bylisin në Kategorinë e Parë, sipas shtypit të shkruar.
