GJKKO ka caktuar datën 14 Shtator për seancën ndaj Fredi Belerit, ku gjykata do të vlerësojë kërkesën e prokurorisë për kalimin e çështjes për gjykim themeli.
Kryebashkiaku i Himarës i cili ende nuk e ka ushtruar detyrën e tij, ka bërë dy kërkesa për leje të veçantë, por burgjet ja kanë refuzuar. Prokuroria e Posaçme Kundër Korrupsionit dhe Krimit të Organizuar kërkon gjykimin e Belerit për korrupsion zgjedhor. Pritet që pas 3 ditësh Beleri të jetë i pranishëm në seancë.
Beleri u arrestua dy ditë para zgjedhjeve të 14 Majit ku doli edhe fitues për Bashkinë e Himarës. Ai ra në pranga për korrupsion pasiv në zgjedhje dhe akuzohet se ofronte para për të blerë vota.
Vetë Beleri ka mohuar akuzat, ndërsa e ka cilësuar arrestimin e tij pa prova dhe politik duke hedhur akuza ndaj kryeministrit Edi Rama.
