Vendet e grupimit G20 kanë shpallur një akord ambicioz që ka si qëllim trefishimin e kapaciteteve të tyre për prodhimin e energjisë së rinovueshme brenda 2030-s. Synimi është parashtruar në deklaratën finale të samitit.
Rritja dramatike e burimeve të energjisë së rinovueshme shihet si një mjet kyç për të arritur qëllimin ekologjik për të ndalur rritjen e temperaturave. India, si vend pritës i samitit të BE-së, i ka cilësuar çështjet ekologjike si prioritetin kryesor.
“Është kritike që ne të investojmë në karburante bio, që emetojnë më pak karbon. Ky është shtegu që duhet të ndjekim, shtegu i avancuar i gjeneratës së dytë të karburanteve bio dhe jo bio-karburantin e bazuar në korrjet që konkurrojnë me Tokën dhe që kanë një impakt më të fortë me emetimet”-tha Jane O’Malley, Këshilli Ndërkombëtar për Transportin e Pastër.
Në të njëjtën kohë, G20-a u gjend nën kritika për mos miratimin e një marrëveshjeje që do të ulte vartësinë e vendeve ndaj karburanteve fosile. Shkëputja nga faza e njohur si “qymyr/naftë” as që përmendet në deklaratën finale.
