Ylber Ramadani shkëlqeu në ndeshjen e Shqipërisë kundër Çekisë, e vlefshme për kualifikueset EURO 2024.
Mesfushori kuqezi ishte ndër më të mirët në fushë, duke u vlerësuar me notën 7.1. Pikërisht këtë fakt, klubi i Partizanit e reklamoi në kanalin zyrtar.
“Dy më të mirët e Kombëtares. Dy ish lojtarë të Partizanit. Kombëtarja është “top” me çunat tanë”, shkruhej në faqen e të kuqve.
Në koment bie në sy Ylber Ramadani që me sa duket vijon të ruajë të njëjtën dashuri si në kohën kur kontribuonte për kryeqytetasit.
Ai ka bërë disa zemra emoji, duke treguar në këtë mënyrë respektin dhe konsideratën që ka për skuadrën që e rriti dhe e promovoi në arenën ndërkombëtare.
Kombëtarja shqiptare do të luajë nesër ndaj Polonisë, një sfidë ku vlen vetëm fitorja. E pak para takimit, Ramadani i çon këtë mesazh dashurie 17 herë kampionëve të Shqipërisë.
