Ukraina po “fiton terren” mes kundërofensive të tyre të cilën e nisën në fillim të këtij viti, ka thënë Sekretari i Përgjithshëm i NATO-s, Jens Stoltenberg.
Duke folur para ligjvënësve në Parlamentin Evropian, Stoltenberg tha: “Ukrainasit po fitojnë gradualisht terren. Ata kanë mundur të thyejnë linjat mbrojtëse të forcave ruse dhe po ecin përpara”.
Ukraina filloi kundërofensivën e saj në qershor të këtij viti në një përpjekje për të rimarrë territorin e pushtuar nga forcat ruse.
Megjithatë, javët e fundit disa kanë kritikuar ritmin e lëvizjes së tyre dhe sasinë e territorit që kanë fituar.
Dje, Sekretari Amerikan i Shtetit Antony Blinken vizitoi Kievin në një gjest mbështetjeje.
