Trajneri i Kombëtares shqiptare, Sylvinho, u shfaq i kënaqur me barazimin 1-1 që Shqipëria arriti në transfertë ndaj Çekisë.
Në prononcimin e dhënë pas ndeshjes, tekniku brazilian u shpreh:
“Ishte një ndeshje shumë e vështirë por ia dolëm të dalim me 1 pikë. Është e rëndësishme që edhe Çekia nuk mori 3 pikë dhe prandaj ky barazim është shumë i rëndësishëm. Tani mund të bëjmë llogaritë por ndeshja e ardhshme është jetike dhe duhet të mendojmë për këtë sfidë.
Jam shumë i kënaqur me të 23 lojtarët se si e përjetuan këtë ndeshje. Jam i kënaqur edhe për Mujën dhe Dakun. Kemi krijuar një atmosferë të mirë në dhomat e zhveshjes dhe kjo është pozitive. Çekia luajti më intensitet dhe ne bëmë gjithçka ta ulnim intensitetin e tyre sepse e dinim që do të na ushtronin presion. Tifozët kanë parë një ndeshje shumë të bukur”.
