Tre persona kanë rrezikuar të mbyten këtë të mërkurë në bregdetin e Shëngjinit dhe Velipojës.
Dy shtetas kanë humur kontrollin e mjetit teksa ishin duke lundruar në Shëngjin e për pasojë ishin larguar shumë nga bregu. Janë pikasur nga policia dhe janë ndihmuar për tu kthyer në breg.
Ndërkohë një tjetër shtetas ka rrezikuar të mbytet teksa ishte duke u larë në Velipojë, për shkak të dallgëve të mëdha. Është shpëtuar dhe ndodhet në gjendje të mirë shëndetësore.
“Policia Kufitare iu shkon në ndihmë në 2 raste, 3 shtetasve që rrezikuan të mbyteshin në det, në Shëngjin dhe në Velipojë.
Pas marrjes së njoftimit se 2 shtetas që po lundronin me pedalone, në plazhin e Shëngjinit, ishin në rrezik sepse për shkak të erës së fortë kishin humbur kontrollin mbi mjetet lundruese dhe ishin larguar shumë nga bregu, shërbimet e Policisë Kufitare kanë nisur kërkimet për gjetjen e tyre.
Pas kërkimeve me mjetin lundrues të Policisë Kufitare, janë konstatuar rreth 3 milje larg bregut, 2 mjetet lundruese pedalone dhe 2 drejtuesit e tyre.
Ndërkohë shërbimet e Policisë Kufitare Shkodër i kanë shkuar në ndihmë një shtetasi që ishte në rrezik mbytjeje për shkak të dallgëve të larta, në plazhin e Velipojës. Shërbimet e Policisë e kanë nxjerrë në breg këtë shtetas dhe i kanë dhënë ndihmën e pare”,- njofton Policia.
