Roja Bregdetare e Greqisë e ka gjetur një grup prej 14 emigrantëve të vdekur në bregdetin e një ishulli të vogël në lindje të Detit Egje këtë të martë.
Pesë burra, gjashtë gra dhe tre fëmijë u gjetën në ishullin e largët Farmakonisi, raportojnë mediat e huaja.
Ky grup kishte mbërritur në ishull nga bregdeti turk përmes një barke të vogël gomone, e cila u fundos. Emigrantët u dërguan në ishullin e afërt, Leros, tha Roja Bregdetare, për ekzaminime të mëtejshme.
Identiteti i viktimave ende nuk është bërë me dije, ndërsa autoritetet po vijojnë hetimet për zbardhjen e plotë të rastit.
