Gjykata e Vlorës ka vendosur masën e sigurisë “arrest me burg” për 23-vjeçarin Mato Glluçaj, i arrestuar për vrasjen e të atit me eksploziv.
I riu ka pranuar krimin teksa ka dëshmuar se babai i dhunonte të gjithë dhe për më tepër shumë herë e kishte nxjerr nga shtëpia. Si në polici dhe në gjykatë, ai nuk ka treguar se ku i ka gjetur municionet e sekuestruara në banesë.
Gjykata ka pranuar kërkesën e prokurorisë për të caktuar masën e sigurisë “arrest me burg” ndaj Mato Glluçajt dhe më pas i riu është transportuar drejt paraburgimit.
56-vjeçari Dyrmish Glluçaj u vra të premten në fshatin Gjorm të Selenicës. Në pranga për këtë ngjarje u vu djali i tij, 23-vjeçari Mato Glluçaj për të cilin, policia thotë se vrasja e ka realizuar me lëndë plasëse të vendosur në sobën me gaz.
