Personi që shihni në foton e mëposhtme është 48-vjeçari Beqir Morina, i cili u vra pasditen e djeshme në Prizren.
Ngjarja e rëndë ndodhi rreth orës 19:00, në lagjen “Arbana”, ku autori i dyshuar Aziz Gashi pasi është konfliktuar me viktimën, Beqir Morinën për një mosmarrëveshje, e ka qëlluar këtë të fundit shtatë herë me një armë zjarri që e mbante në makinë. Si pasojë Morina ka ndërruar jetë në vend.
Sipas një dëshmitari të rastit, i cili thotë se e ka parë momentin tragjik për 48-vjeçarin, autori ka kryer aktin në prani të gruas dhe fëmijës së viktimës.
