Erling Haaland u shpall lojtari më i mirë i sezonit 2022-2023 nga UEFA, në eventin e zhvilluar menjëherë pas shortit të Ligës së Kampionëve në Monako.
Sulmuesi 23-vjeçar dhe “arkitekti” i trefishit historik (FA Cup, FA Championship, Champions League) të arritur nga Manchester City, shënoi 52 gola në të gjitha garat sezonin e kaluar, duke fituar majat e preferencave nga shoku i skuadrës te City Kevin De Bruyne dhe argjentinasi Lionel Messi.
“Ndihem mirë, morëm tripletën, po jetoj një ëndërr që e kam pasur që i vogël, është diçka e veçantë. E gjithë kjo më motivon të arrij më shumë. Unë po bëj më të mirën që mundem. Jam i motivuar ta mbaj mendjen të kthjellët, dua të jem sa më i përgatitur. Do të bëj gjithçka për të pasur një sezon tjetër të mirë. Pep është më i frikshëm se babai im. Më pëlqen që ai më bërtet, ai përpiqet të nxjerrë nga unë diçka që nuk është aty”, tha Haaland pas çmimit të tij.
