Ndikuesja e TikTok, Mahek Bukhari dhe nëna e saj janë dënuar me burgim të përjetshëm për vrasje të dyfishtë, pasi u kërcënuan të publikonin pamjet e momenteve të tyre private.
Buhari qau kur dëgjoi dënimin për vrasjen e të dashurit të nënës së saj dhe të dashurit të saj në një ndjekje me makinë që përfundoi në vdekjen e dy burrave. Nëna e saj Ansreen Buhari, 46 vjeç, u shpall gjithashtu fajtore për vrasjet.
Shakib Hussain dhe Mohammad Ijazuddin, të dy 21 vjeç, vdiqën kur Skoda e tyre u nda në dysh dhe mori flakë pasi doli nga rruga dhe u përplas me një pemë.
Hussain kishte kërcënuar se do të zbulonte lidhjen e dashurisë që ai dhe Ansreen Bukhari kishin.
Buhari, 24 vjeç, dhe nëna e saj mohuan dy akuza për vrasje, por u dënuan nga juristet.
Gjykata vendosi se ato u larguan qëllimisht nga rruga në një “pritë” pasi Hussain kishte kërcënuar se do të publikonte një film pornografik dhe do të zbulonte marrëdhënien e tij afatgjatë me nënën 46-vjeçare të influencueses.
