Durim Gllucaj, 56-vjeç, humbi jetën këtë të premte si pasojë e një shpërthimi në oborrin e banesës së tij në Selenicë.
Hetimet kanë zbuluar se shpërthimi ka ardhur nga një bombol gazi që viktima e mbante në oborrin e banesës.
“Si rezultat i veprimeve hetimore dhe procedurale të kryera nga grupi i posaçëm hetimor i ngritur për këtë rast dhe nga ekspertët xhenierë, në drejtimin e Prokurorisë së Vlorës të cilët shkuan në vendngjarje pas njoftimit, u bë e mundur zbardhja dhe dokumentimi me prova ligjore i ngjarjes së raportuar në sallën operative të DVP Vlorë, rreth orës 06:15 të mëngjesit të sotëm. Nga hetimet rezulton se mëngjesin e sotëm, në territorin e jashtëm të banesës së shtetasit D.G., 56 vjeç, ka shpërthyer një sobë e vogël me gaz. Nga shpërthimi është dëmtuar shtetasi D.G., i cili si pasojë ka humbur jetën, gjatë transportimit në spital”, njoftoi policia.
