Fituesi i Big Brother VIP2 Luiz Ejlli, mbetet një nga personazhet më të komentuar të momentit në showbizit shqiptar.
Pas përfundimit të Reality Show-t, Luizi bashkë me ish-banoren e BBVIP, Olta Gixhari, realizuan filmin “Në kuadër të dashurisë”, i cili do të publikohet së shpejti.
Por duket se këngëtari ka zgjedhur të publikojë një video ku shfaqet duke goditur me shuplakë aktorin Ylber Bardhi. E gjitha ishte një shaka nga ana e Luizit, i cili duket se gëzon një raport miqësor me aktorin nga Kosova.
Kujtojmë që kasti i aktorëve në filmin e Luizit, përbëhet nga disa artistë të mirënjohur si Ndriçim Xhepa, Zamira Kita, Olta Daku apo partneren e Ledri Vulës, Sara Hoxha.
