Deputeti demokrat, Edi Paloka është shprehur se Partia Demokrartike ka marrë përsipër që të realizojmë aspirata që ka populli opozitar.
Ai tha në një intervistë për Ora News se dy janë opsionet tashmë, ku sipas tij, ose do të kenë një bashkim të grupit parlamentar, ose do të gjejnë një zgjidhje që të funksionojmë si dy grupe me një pikësynim.
Paloka: Ne si PD kemi marrë përsipër që të realizojmë aspirata që ka populli opozita, duke marrë parasysh pengesat që na kanë vënë Rama Basha. Ajo që planifikojmë të bëjmë, sepse nesër kemi një mbledhje të grupit parlamentar. Dy janë opsionet, ose do të kemi një bashkim të grupit parlamentar, ose do të gjejmë një zgjidhje që të funksionojmë si dy grupe me një pikësynim.
Dikur grupi drejtohet nga Alibeaj që është mëkëmbësi i Bashës dhe Basha mëkëmbësi i Ramës. Marrëdhëniet tona ishin ato që ishin dhe nuk kishte një rezultat konkret. Situata ka ndryshuar dhe një pjesë e deputetëve e kanë kuptuar se Basha është në lojë për veten dhe për interesa të Ramës. Ne jemi të bashkuar si grup.
