Pas dy intervistave të dhëna nga kreu i qeverisë Edi Rama në mediat Greke dhe ku u mundua të shfajësohej për çështjen Beleri, një reagim për politikën greke vjen edhe nga ministrja e Mbrojtjes, Olta Xhaçka.
Përmes një deklarate në rrjetet sociale, Xhaçka shprehet se për Belerin do të shprehet veteëm drejtësia.
“Me keqardhje po kjo është kështu dhe vetëm kështu”, shkruan Xhaçka.
Deklarata
Nuk ka mundësi që miqtë & fqinjët tanë grek të jenë të vetmit që kanë të drejtë, kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare!
Organet e reja të drejtësisë shqiptare kanë folur qartë me vendimet e tyre dhe qeveria shqiptare ka folur qartë po ashtu: Çështja e betimit të kryebashkiakut të ndaluar nga drejtësia është një çështje e drejtësisë. Jo e qeverisë shqiptare. As e qeverisë greke.
Homologut tim grek për të cilin kam shumë respekt, i kam thënë se për këtë çështje nuk duhet të niset nga ligji grek por nga ligji shqiptar.
Dhe sipas ligjit shqiptar, s’ka vullnet politik që e nxjerr zotin Beleri nga burgu apo që fut noter në burg që ai të bëj betimin si kryebashkiak.
Me keqardhje po kjo është kështu dhe vetëm kështu.
