Tentoi të vrasë një qen endacak, por aksidentalisht plagosi një person.
Ngjarja është shënuar në fshatin Naraç të Vaut të Dejës, ndërsa protagonist një 54-vjeçar i cili është proceduar penalisht.
Në njoftimin e shkurtër të policisë thuhet se personi i dëmtuar nuk ka marrë plagë të rëndë dhe është larguar në banesë pas mjekimit në spital.
“Specialistët për Hetimin e Krimeve në Komisariatin e Policisë Vau Dejes referuan materialet në Prokurori ku nisi procedimi në gjendje të lirë për shtetasin A. P., 54 vjeç, banues në fshatin Naraç, Vau i Dejës, sepse gjatë tentativës për të vrarë me armë gjahu, një kafshë endacake (qen), ka dëmtuar aksidentalisht, shtetasin P.M., i cili pasi ka marrë ndihmë mjekësore, është larguar në banesë”, njoftoi policia
