Një person i shpallur në kërkim nga autoritetet ruse është arrestuar në Muruan me qëllim ekstradimi drejt Rusisë.
“Efektivët e pikës kufitare në Muriqan, në bashkëpunim me shërbimet e DVP Shkodër dhe si rezultat i shkëmbimit të informacioneve ndërmjet Interpol Tiranës dhe Interpol Moskës, u finalizua operacioni policor i koduar ‘Moscow’, në vijim të të cilit u ndalua dhe u vu në pranga, me qëllim ekstradimin, shtetasi I K., 59 vjeç, banues në Moskë, Rusi”, njoftoi policia.
Gjatë verifikimeve të imtësishme dhe intervistimit në vijë të dytë në hyrje të vendit, shtuan të njëjtat burime, rezultoi se 59-vjeçari ishte shpallur në kërkim ndërkombëtar nga Interpol Moska, pasi autoritetet ruse i kanë caktuar masën e sigurisë “Arrest në burg”, mbi akuza se ky shtetas i ka dhënë ndihmë dhe ka bashkëpunuar me një autor veprash penale të rënda, në Rusi, ku rrezikon një dënim me 15 vjet burg.
