Një i ri është arrestuar nga autoritetet në Morinë, pasi në çantën që kishte me vete i janë gjetur dy pistoleta pa leje.
Në pranga u vu Ilirjan Skacaj, 26 vjeç, banues në Shkodër.
Gjatë kontrollit në vijë të dytë në hyrje të RSh-së, njoftoi policia, 26-vjeçarit i janë gjetur me vete dhe në çantë 2 armë zjarri pistoleta të cilat dyshohet se do të trafikoheshin në vendin tonë.
“Është ushtruar kontroll në banesën e shtetasit I.S., në Shkodër, ku janë gjetur një tjetër armë zjarri pistoletë, fishekë luftarak, një sasi lënde e dyshuar narkotike cannabis sativa, 400 fara të dyshuara të kësaj bime dhe 2 targa automjeti, të cilat u sekuestruan në cilësinë e provës materiale, së bashku me 2 pisoletat që iu gjetën shtetasit I.S., në PKK Morinë”, shtuan të njëjtat burime.
Ndaj të riut janë ngritur akuzat për veprat penale “Trafikimi i narkotikëve”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.
