Në përfundim të sfidës Bayern Munich-Augsburg, Thomas Tuchel u pyet në lidhe me Pavard, pasi anësori francez nuk ishte grumbulluar për këtë sfidë.
Për mungesën e mbrojtësit, Tuchel deklaroi se ai vuan nga një problem në shpinë.
“Kishte një problem në shpinë, por asgjë e rëndë. Pavard është një lojtar i yni pavarësisht se dëshiron të largohet. Nuk kam asgjë personale me të, është zgjedhja e tij, por nuk mund të largohet. Gjithsesi ka ende kohë”, u shpreh Tuchel.
Fakt është që Bayern dhe Inter kanë gjetur prej kohësh akordin ndërmjet tyre, Bayern do të përfitojë 30 milionë euro kesh, por fillimisht kërkojnë një zëvendësues.
Sipas Sky Sport, Bayern po mendon për Kalulu, anësorin e Milanit, si opsion për të zëvendësuar Pavard.
