Katër persona janë arrestuar nga policia e Tiranës të akuzuar se shisnin hashash me doza në kryeqytet.
Në pranga janë vënë: Klevis Kullafi, Skerdi Kurti, Brian Dafku dhe Dritan Shehu.
Policia ka bërë me dije se një sasi lënde narkotike kanabis, 200 qese farmaceutike që shërbejnë për ndarjen e kanabisit në doza, një grirëse për lëndën narkotike, si dhe tre aparate celulare janë sekuestruar.
Sipas hetimeve, të akuzuarit, pasi siguronin lëndën narkotike kanabis, e përgatitnin atë në doza, të cilat më pas i shpërndanin në rrugën “Bardhok Biba”, “Siri Kodra”, në bulevardin “Zogu i I”, dhe në Rrugën e Barrikadave.
Aksioni antidrogë u kodua “Barrikadat” dhe sipas bluve, erdhi “bazuar në informacionet e siguruara nga inteligjenca informative”.
