Një aksident ka ndodhur ditën e sotme në rrugën e Arbërit, e shkak u bë shpejtësia dhe përdorimi i telefonit. ‘JOQ’ ka ndarë një ‘live’ të personit të aksidentuar i cili po tregonte shpejtësinë e mjetit, 120 në orë, por në fund u pendua pasi jeta e tij u vu në rrezik.
Teksa kthen kamerën disa herë nga rruga dhe nga vetja, i riu u aksidentua.
“Oj nanë bre”- dëgjohet të thotë gjatë gjithë kohës ai, teksa nuk mungojnë edhe britmat. Më pas, dëgjohet se atij i vijnë thirrje dhe mesazhe nga persona të ndryshëm, të cilët me siguri kanë qenë duke e ndjekur live dhe kanë mësuar se ai është aksidentuar.
Nuk dihet sesi është gjendja e tij shëndetësore.
