Një automjet i parkuar brenda oborrit të një banese në fshatin Halil të Fushë-Krujës, është shkrumbuar nga flakët mëngjesin e sotëm.
Mjeti tip “Volkswagen Sharon” me targa AA645 CS, në pronësi të 29-vjeçarit Etnor Alushi ka marrë flakë rreth orës 02:00 pas mesnate.
Makina ndodhej e parkuar kur pronarët kanë konstatuar se po digjej.
Të trembur kanë dalë nga banesa dhe janë përpjekur të shuajnë flakët, por ka qenë e pamundur deri në mbërritjen e zjarrfikësve.
Pronari i makinës deklaron se nuk ka probleme apo konflikte me njeri dhe nuk di arsyen përse mund t’i jetë vendosur flaka mjetit të tij.
Policia ka nisur hetimet për ngjarjen dhe po punon për identifikimin e autorit/ve të zjarrvënies së qëllimshme.
