Një i ri është arrestuar në Shijak nën akuzën se shiste kokainë në lagje të ndryshme të qytetit.
“Falë informacioneve të siguruara nga inteligjenca policore, specialistët e Forcës së Posaçme ‘Shqiponja’ arrestuan në flagrancë shtetasin Dorjan Sherifi, 27 vjeç, banues në Gjepalaj, Shijak”, njoftoi policia.
Sipas të njëjtave burime, gjatë kontrollit fizik dhe në automjetin me të cilin lëvizte i riu, u gjetën një sasi lënde e dyshuar narkotike kokainë, e ndarë në doza të gatshme për shitje dhe një peshore elektronike, të cilat u sekuestruan së bashku me automjetin dhe me një celular.
