Partizani u mund nga Astana në transfertën kazake me rezultatin minimal 1-0. Një ndeshje që erdhi në përmirësim e sipër nga “Demat” sidomos në pjesën e dytë.
Me 3 gola të anulluar për Astanën nga VAR, Partizani mban gjallë shpresat për kualifikim në ndeshjen e kthimit në “Elbasan Arena”.
Pas kësaj sfide foli dhe ish-trajneri, Sulejman Starova.
“Rregullimi i gabimeve nga Partizani e bëjnë më interesante takimin e dytë. Astana është favorite, por kemi shpresa për fitore.
Zotërimi i topit nga kundërshtari prodhoi raste të rrezikshme dhe për gol. U rregullua performanca e Partizanit në pjesën e dytë. Arriti të prodhonte 3 raste për gol nga hiçi”, tha Starova.
