Një konflikt i nisur brenda ambienteve të një lokali në Korçë ka përfunduar me përdorimin e sendeve të forta, që kanë çuar në plagosjen e një 34-vjeçari.
Policia ka shoqëruar në komisariat një 18-vjeçar si autor të ngjarjes.
“Ngjarja ka ndodhur rreth orës 03:05 të mëngjesit të sotëm. Në spitalin e Korçës, ka shkuar për mjekim shtetasi D. K., 34 vjeç, banues në Korçë, i cili dyshohet se në lagjen nr. 15, Korçë, në ambientin e një lokali, ku 34-vjeçari ishte i shoqëruar me vëllanë e tij, gjatë një konflikti për motive të dobëta, me shtetasin F. B., 18 vjeç, është dëmtuar me sende të forta në kokë.
Falë reagimit të shpejtë, menjëherë pas ngjarjes, u bë kapja e autorit të dyshuar të ngjarjes, shtetasit F. B., i cili ndodhet i shoqëruar në ambientin e Komisariatit të Policisë Korçë, për veprime të mëtejshme procedural”, njoftojnë uniformat blu.
Sakaq, shtetasi me inicialet D. K., që mbeti i plagosur ndodhet në spital në kujdesin intensiv të mjekëve.
Grupi hetimor po punon për sqarimin e plotë të rrethanave të ngjarjes.
